Ինթրա հոգեկան առողջության (ՀԱ) կենտրոնը հիմնվել է 2009 թ.-ին Սեդա Ղազարյանի hիշատակի hիմնադրամի կողմից։

Ինթրա կենտրոնը արդի չափորոշիչներին համապատասխան կայացած և դինամիկ հաստատություն է, որը բարձրակարգ հոգեբանական և հոգեբուժական ծառայություններ է մատուցում այցելուների լայն շրջանակին՝ երեխաներին, պատանիներին, չափահասներին, ինչպես նաև զույգերին, ընտանիքներին և խմբերին` անկախ նրանց ֆինանսական և սոցիալական կարգավիճակից։

Մենք աշխատում ենք լայն շրջանակ ընդգրկող հոգեկան խնդիրների հետ՝ ինչպես նոր ձևավորվող, այնպես էլ ժամանակի ընթացքում արմատացած։

Մենք ապահովում ենք վստահություն ներշնչող միջավայր և երաշխավորում գաղտնապահությունը։

Կենտրոնի կողմից առաջարկվող ծառայությունների արդյունքում բարձրանում են այցելուների ինքնուրույնությունը, ինքնագնահատականը, ապագայի նկատմամբ դրական սպասելիքները և բարելավվում հարաբերությունները շրջապատի հետ։

Մեր առողջությունը կախված է ինչպես ֆիզիկական, այնպես էլ հոգեկան բարեկեցությունից և մեր հոգեկան առողջությունը նույնքան խնամքի կարիք ունի, որքան ֆիզիկականը։

• “Կան կենտրոններ, որտեղ միայն երեխաների համար է լավ, այստեղ նաև մեզ համար են լավ մթնոլորտ ստեղծում և աջակցում:”

  -ՑԿ այցելուի ծնող

• “Այստեղ կա սեր, լավ վերաբերմունք, լավ մարդիկ… հույս և փրկություն:”

  -ՑԿ այցելուի ծնող

• “Այս կետրոնի շեմը անցնելիս հայտնվում ես բարյացկամության և ընտանեկան հարմարավետության մթնոլորտում՝ շրջապատված բարձրակարգ մասնագետներով:”

  ­-ՑԿ այցելուի տատիկ

• “Վախի և անվստահության զգացումները փոխարինվեցին վստահության և համարձակության, նաև պայքարելու և ապրելու զգացումների:”

  -Այցելու երեխայի ծնող

Հարց հոգեբանին
Օգտակար տեղեկություններ