Սեդա Ղազարյանի Հիշատակի հիմնադրամը ստեղծվել է հիմնադիրների 2009թ.-ի օգոստոսի 3-ի որոշմամբ և գրանցվել ՀՀ իրավաբանական անձանց պետական ռեգիստրի կենտրոնական մարմնի կողմից 2009թ.-ի օգոստոսի 15-ին: Հիմնադրամը հետապնդում է առողջապահական, բարեգործական, սոցիալական և այլ հանրօգուտ նպատակներ:

Հիմնադրամի շահառուներն են սոցիալապես խոցելի խմբերի ներկայացուցիչները, ինչպիսիք են`հոգեկան և ֆիզիկական առողջության խնդիրներ ունեցող անձինք, միայնակ ծնողները, հաշմանդամները :
Հիմնադրամը գործում է առանց խտրականության սկզբունքի և աջակցում կարիքավորներին` անկախ նրանց սեռից, տարիքից, ազգությունից, կրոնից, քաղաքական կամ այլ համոզմունքներից:

Հիմնադրամի նպատակն է`

• Նպաստել Հայաստանի Հանրապետության կայուն զարգացմանը:
• Խթանել ՀՀ-ի բնակիչների, մասնավորապես` հասարակության խոցելի խմբերի համար սոցիալ-հոգեբանական-առողջապահական վերականգնողական աշխատանքների կազմակերպմանը և իրականացմանը:
• Օժանդակել հանրության լայն խավերի շրջանում հոգեկան առողջությանն առընչվող գիտելիքների տարածմանը և հոգեկան առողջության մշակույթի ձևավորմանը:
• Խթանել հոգեկան առողջության պահպանման բնագավառում գործող կազմակեպությունների գործունեությանը, այդ թվում` օժանդակել նրանց կողմից մատուցվող սոցիալական ծառայությունների գործընթացին:
• Նպաստել առողջապահական, սոցիալական և կրթական ոլորտներում գործող կազմակերպությունների միջև համագործակցության և մասնագիտական ներուժի ամրապնդմանը:
• Նպաստել սոցիալապես խոցելի խմբերի ներկայացուցիչների շահերի պաշտպանությանը: